AAJA-Asia буюу Ази, Америкийн сэтгүүлчдийн нийгэмлэгийн Ази дахь салбар, Google News Initiative хөтөлбөртэй хамтран эрэн сурвалжлах, мэдээлэл цуглуулах, баримт нягтлах ур чадвараа хамгийн сүүлийн үеийн цахим хэрэглүүр ашиглан сайжруулахаар зорьж буй Ази сэтгүүлч нарт дэмжлэг үзүүлэхээр энэхүү сургалтыг дэмжин зохион байгуулж байна.
Энэхүү сургалт нь 2023 оноос эхлэн 2 дахь жилдээ Монгол Улсад зохион байгуулагдаж байна.
2024 оны сургалтууд:
Баримт нягтлах, эрэн сурвалжлах цахим хэрэглүүрүүд
2024 оны 12-р сарын 18, 19-ний Лхагва, Пүрэв гарагуудад 09:00-13:00 цагт Хэвлэлийн Хүрээлэнгийн сургалтын танхимд 2 удаа зохион байгуулагдана
Энэхүү сургалтаар цахим хэрэглүүр ашиглан мэдээллийн үнэн бодит эсэхийг нягтлан шалгах хамгийн сүүлийн үеийн технологийн хэрэглүүрүүдийг танилцуулахаас гадна хэвлэл мэдээллийн салбарт улам бүр нөлөөтэй болж буй хиймэл оюун ухааны хэрэглүүрүүдийн талаар хуваалцах юм. Сургалтаар дараах агуулгыг хөндөнө.
- Хэвлэл мэдээллийн байгууллагуудын анхаарах зүйлс
- Зураг болон видеогоор хайлт хийх
- Хиймэл оюун ухаан
- Сошиал медиаг хянах
- Эх сурвалжийг тодорхойлох
- Google Drive болон бусад хэрэглүүрүүд
- Ахисан түвшний хайлт хийх
- Google дэх тренд тодорхойлох
Сургагч багш
Б.Дуламхорлоо нь сэтгүүлч, сэтгүүл зүйн сургагч багш, Google News Initiative болон AAJA-Asia-ийн хамтарсан сургагч багш бэлтгэх хөтөлбөрийн 2023 оны сургагч багш юм. Сүүлийн арав гаруй жил сэтгүүл зүйн салбарт ажиллахдаа монголын өдөр тутмын сонины хамгийн залуу ерөнхий эрхлэгчээр ажиллахаас гадна телевиз, сайт, сонин зэрэгт шат шатны албан тушаал хашиж байсан.
2020 онд Сэтгүүл зүйн Инновац Хөгжлийн Үүр төв НҮТББ-ыг байгуулсан бөгөөд энэхүү байгууллагаараа дамжуулан дотоодын медиа стартапуудад тогтвортой бизнес загвар нутагшуулахад нь дэмжлэг үзүүлэхээр ажиллаж байна. Тэрээр Радио, Телевиз, Медиа Урлагийн Сургуулийн Сэтгүүл зүйн тэнхимд багшилж байснаас гадна Deutsche Welle академийн сургагч бэлтгэх хөтөлбөрт хамрагдсан. Монголоос гадна Гана, Замби, Кени, Барселон, Индонези, Энэтхэг, Литва зэрэг орнууд дахь байгууллагуудад сургалт орж байсан.
Энэхүү онлайн сургалтад үнэ төлбөргүй хамрагдахыг хүсвэл энд дарж бүртгүүлнэ үү?
Ази, Америкийн Сэтгүүлчдийн Нийгэмлэгийн тухай: Ази, Америкийн Сэтгүүлчдийн Нийгэмлэг (AAJA) нь АНУ болон Азид 1500 гаруй гишүүнтэй боловсрол, мэргэжлийн чиглэлээр ажилладаг төрийн бус байгууллага юм. Байгуулагдсан цагаасаа хойш сэтгүүл зүйн салбарын өөрчлөлт, хөгжлийн тэргүүн шугамд ажиллаж ирсэн. Байгууллагын тухай дэлгэрэнгүй мэдээллийг https://www.aaja.org/ сайтаас, Ази дахь салбарын тухай дэлгэрэнгүй мэдээллийг https://aaja-asia.org/ сайтаас авна уу?
Сэтгүүл зүйн Инновац Хөгжлийн Үүр төв НҮТББ нь 2020 онд байгуулагдсанаасаа хойш дотоодын хэвлэл мэдээллийн байгууллагуудад тогтвортой бизнес загвар нутагшуулах, зөвлөх үйлчилгээ үзүүлэх, олон улсын төсөл хөтөлбөрийн боломжуудтай дотоодын хэвлэл мэдээллийн байгууллагуудыг холбох чиглэлээр дагнан үйл ажиллагаа явуулж байна. Олон улсын боломжуудтай дотоодын хэвлэл мэдээллийн байгууллагууд, сэтгүүлчдийг холбох эрхэм зорилгын хүрээнд тус төвийн сургагч багш нь 2023 оноос Google News Initiative, AAJA-Asia хамтарсан сургагч багш бэлтгэх хөтөлбөрт хамрагдан, албан ёсны эрхтэйгээр сургалтыг дотоодын сэтгүүлчдэд санал болгож байна.
Google News Initiative хөтөлбөрийн тухай: Google нь дэлхийн мэдлэг, мэдээллийг цэгцэлж, нийтэд нээлттэй, хэрэгцээтэй байлгах эрхэм зорилготой. Энэхүү эрхэм зорилгын хүрээнд өнөөгийн цахим эринд сэтгүүл зүйн салбарыг хөгжихөд туслах зорилгоор Google News Initiative хөтөлбөрийг хэрэгжүүлж байна. GNI-ийн малгайн дор багтах Google News Lab санаачилга нь чанартай сэтгүүл зүйн агуулга бүтээх, түүнийг түгээхэд дэмжлэг үзүүлэх зорилготой. Өнөөгийн хэвлэл мэдээллийн байгууллагууд, медиа энтрепреньерүүд мэдээллийн агуулга бүтээх, түүнийг түгээх шинэ аргуудыг нээсээр байна. Харин бид тэдэнд хэрэгцээтэй цахим хэрэглүүрүүд, өгөгдөл, хөтөлбөрүүдийг санал болгохоор ажиллаж байна. Илүү дэлгэрэнгүй мэдээлэл авахыг хүсвэл, g.co/newsinitiative сайтад хандана уу. visit g.co/newsinitiative.